Како празничен специјалитет Аирбнб понуди да се изнајми куќата од култниот филм „Сам дома“, што за многумина ќе биде остварување на сонот од детството. Заинтересираните ќе можат да се обидат да ја резервираат куќа од вторник, 7 декември во 13 часот на платформата Аирбнб. Аранжманот е за четири лица, а ноќевање во оваа средина ќе чини 25 долари.
Како што навестува сценографијата на филмот, гостите во ова „сместување“ во најава ги очекува возбудлива авантура.
„За прв пат, тим од луѓе може да резервира одмор во безвременската куќа каде што започна приказната „Сам дома“ (овој пат без досадни натрапници). Гостите ќе можат да уживаат во пријатна празнична сцена со совршена елка, многу стапици , најдобрата пица во Чикаго и средба со тарантули. После тоа, седнете и уживајте гледајќи ја најновата празнична авантура од филмската франшиза“, велат од Аирбнб и преку фотките и видеото нудат можност да ѕирнете во легендарната куќа.
