Јелена Розга изјави дека има проблеми со срцето и тироидната жлезда и дека долго време се бори со тоа. Бидејќи редовно ја зема терапијата, пејачката изјави дека се чувствува добро.
Редовно пијам терапија, внимавам на исхраната и ги слушам советите на докторите. Научив да живеам и да се справувам со тоа“, рече Розга.
Пред да побара лекарска помош во еден момент пред три години, одреден период не се чувствувала добро, но мислела дека сето тоа е само замор, пишуваат хрватските медиуми.
„Деновите пред да почувствував дека нешто не е во ред, мислев дека тоа е стрес и замор, а претходната година ми беше исклучително тешка. Тој ден кога ми беше дијагностицирана тахикардија, срцето толку ми лупаше што се преплашив дека ќе се срушам, рече Јелена.
Покрај проблемите со срцето, Розга има и проблеми со тироидната жлезда од 2006 година.
„Се разбудив уморна, постојано се чувствував уморна и слабеев. Отидов на лекар и добив дијагноза. Набрзо почнав да земам лекови, понекогаш е тешко да се живее така, понекогаш е полесно”, рече таа, додавајќи дека благодарение на терапијата и дисциплината физички сега се чувствува одлично.
„Сè уште можам да пеам и танцувам со мојата публика скоро два часа“, вели Розга.
