Градоначалникот на СДСМ кој загуби на изборите, Велимир Смилевски, со непостапување по закон дозволувал лица кои се бараат со потерници да узурпираат зелен појас и државно земјиште во општината Бутел.
Во реонот меѓу населбите Железара и Бутел 4 лице кое се барало со меѓународна потерница узурпирало и присвоило огромно земјиште сопственост на Република Македонија, а службите под контрола на Смилевски во општината не реагирале.
Нелегалниот корисник на државниот имот се бара за тешки кривични дела за кои може да лежи десетина години в затвор.
Профилот Демир на Твитер кој важи за одлично информиран за состојбите на локално и национално ниво објавува фотографии од катастар и видеа од кои се гледа како се одвивала узурпацијата на државен имот кој е на многу видливо место и до кој секој ден минуваат десетици илјади возила меѓу кои инспектори од општинските служби во Бутел и функционери на градот Скопје.
Во шокантниот твит се гледа дека десетина луѓе кои се одговорни за спроведување на законот и заштита на интересите на државата долг период молчеле и не го спроведувале законот.
Според експерти блиски на опозицијата со несторување екс градоначалникот на Бутел Смилевски направил повеќе кривични дела а допрва ќе се утврдува одговорноста на градоначалникот на Скопје Петре Шилегов и други функционери кои требале да го спасат имотот на државата но не го сториле тоа
Сите детали во шокантниот твит
Како може лице во период кога МВР го бара со 3 потерници
[1] УБИСТВО [2] НАСИЛСТВО [3] ОДЗЕМАЊЕ на ПМВ да узурпира и бесправно да гради на државнo земјиште – зелен појас во општина Бутел, а @SlavjankaPetrov ?
–
п.с барам од @GilaLi888 да постапат по закон и ја известат јавноста pic.twitter.com/6eurJtvIQH— Демир (@Trollowsky) October 22, 2021