Објавил пародичен оглас за стан-гаража во Загреб: Јас само се пошегував, но има многу кои сакаат да спијат во него!

22.10.2021
vesnik-fb-blue
vesnik-twitter-blue
Објавил пародичен оглас за стан-гаража во Загреб: Јас само се пошегував, но има многу кои сакаат да спијат во него!

Оглас со наслов „Издавам мал, но убав стан-гаража во центарот на Загреб“ – за „стан“ во гаража, којшто наводно може да се изнајми за 200 евра, го привлече вниманието на многумина…

„Станот“, како што е истакнато, е изграден 2012 година, има 15 квадратни метри, а се најде на порталот „Индекс огласи“. „Шокот“ е во тоа што „станот“ всушност, е тесна соба со еден затворски кревет, без кујна и тоалет.

„Мал стан/соба во центарот на Загреб со удобен кревет и сите потребни работи. Станот има удобен кревет, светилка, електрична енергија и сѐ што Ви треба за добар сон“, се вели во описот. Наведената цена е 200 евра, па верувале или не, имало и заинтересирани.

– Ми се јавија десетина луѓе, откри сопственикот Иван, кој на крајот откри дека сакал само да се пошегува.

– Овој оглас го објавив како пародија на вистинските станови кои луѓето ги ставаат на оглас, а коишто не се многу поразлични од оваа лакрдија. Гаражата навистина постои, но во неа не се наоѓа креветот и другите работи, тие се додадени со Фотошоп, изјави тој.

© vesnik.com, правата за текстот се на редакцијата