Температурата од 18 Целзиусови степени може да значи разлика помеѓу лош и мирен сон, забележуваат експертите. Спиењето во постудена соба ни помага да останеме свежи и да изгледаме помлади.
Исто така, пониската температура го стимулира производството на мелатонин, кој уште се нарекува и хормон за спиење на телото. Исто така е антиоксиданс, што значи дека служи како хормон против стареење.
Спиењето во постудена просторија исто така може да помогне да се спречи несоница. Студиите укажуваат дека неколку форми на несоница се всушност поврзани со повисоки температури на телото.
Многу луѓе со несоница имаат потешкотии да ја регулираат телесната температура, ограничувајќи ја можноста за губење топлина. Повисоките температури значат дека телото ослободува повеќе стрес хормони – кортизол. Постудената просторија помага во одржувањето на нивото на кортизол, што значи помал стрес и подобар квалитет на спиењето.
Спиењето во ладна соба, исто така, може да ги намали шансите за развој на метаболички заболувања, како што е дијабетес. Исто така, го подобрува нивото на хормонот за раст, кој помага во спречување на срцеви заболувања, депресија и дебелина. Зголемениот мелатонин го намалува и ризикот од Алцхајмерова болест.
