Мартин Томовски е еден од најдобрите потези на челниците на Вардар ова лето. Македонскиот репрезентативец засега одлично се гржи за голот на „црвено-црните“, и на првиот и на вториот меч во Лигата на шампионите, е водечка сила.
Вечерва собра 10 интервенции, три ги запиша уште на самиот старт кога Вардар поведе со 3-1.
„Отворивме одлично и создадовме некоја разлика која ја контролиравме. Но, сепак, имавме и падови, ние сме една нова екипа и допрва ќе стануваме се подобри и подобри. Голема благодарност и до публиката за поддршката, тие беа нашиот ветер во грбот до оваа победа со Мешков Брест“, изјави Томовски.
