Ќерката на Мадона, Лурдес Леон на овогодинешната Мет гала гордо го покажала телото, но и влакненцата под пазувите. Оваа 24-годишна девојка била облечена во розова комбинација составена од градник и макси здолниште во која до израз и дошла линијата. Пред насобраните фотографи позирала подготвено, а токму она што се видело на фотките модните критичари го оцениле како „насилно промовирање“.
„Разбирам потенцирање на природноста, но ова е премногу, ова навистина не мора да го гледаме“… „Веќе видено, зошто упорно и упорно?“… „Олкави влакна веќе ни мажите немаат“,… „И што сега, зарем девојчињата треба да го следат нејзиниот пример?“… се само некои од коментарите.
Лурдес, исто како и својата славна мајка по чии стапки одамна оди, го првивлекува вниманието на медиумите и јавноста со модните избори, но и со ставовите како овој за недепилирање.
Веќе има лансирано и сопствена модна линија, а само на 13 дебитираше на модните писти. Неодамна открила и дека една од целите во животот и е актерска кариера.
Инаку, Лурдес е најстарото дете на Мадона, таа има уште пет браќа и сестри, од кои 4 се посвоени, а Роко е биолошки син на Мадона, кого го доби со Гај Ричи.