Од в.д директор стана директор, Стојанче Ангелов на денешната владина седница, последна пред летните одмори, е именуван за директор на Центарот за управување со кризи.
Ангелов пак денеска за Сител пред да биде објавена одлуката изјави дека не се плаши од смртта, а не од разрешување.
Тој вчера одговарајќи на прашањето за понесување на одговорност, тој порача прво да се изгаснат пожарите, бидејќи целата република гори, а доколку се утврди негова одговорност, тогаш ќе поднесе оставка и како што вели ќе замине од државата, ако не ќе бара извинување од новинарите.
-Ако се утврди дека сум потфрлил за пожарите, ќе си заминам од државава. Ако се утврди спротивното, ќе побарам извинување од сите новинари кои ме нападнаа и мојата мајка мораше да ги слуша сите тие работи. Земете истражете, не пишувајте шпекулации, рече тој и додаде дека штетата предизвикана од пожарите е материјална и таа ќе биде надоместена.
Од ВМРО-ДПМНЕ пак, најавија дека ќе поднесат кривични пријави за ненавремено спречување на пожарот кај Кочани, а покрај името на премиерот Зоран Заев го споменаа и директорот Ангелов.
