Министерството за надворешни работи на Шри Ланка соопшти дека е потврдена националноста на 11 жртви во денешните терористички напади, а девет странци се водат како исчезнати.
Меѓу жртвите три се од Индија, еден од Португалија, две жртви се од Турција, три од Велика Британија и двајца со двојно државјанство на САД и Велика Британија.
Меѓу жртвите има и државјани на Холандија и на Кина.
Во серијата бомбашки напади во три цркви и четири хотели во Шри Ланка загинаа најмалку 200 луѓе, а ранети се 450.
извор: Makfax