Членот на кризниот тим на Србија, епидемиологот Предраг Кон, изјавил дека само еден случај на тромбоза е забележан во Србија од почетокот на вакцинацијата.
Тој вели дека овој случај е бесмислен да се спореди со бројот на луѓе кои секојдневно умираат во нашата земја на корона вирус.
“Тоа е сосема бесмислено да се спореди. Вие кога ќе ја изберете вакцината, избирате заштита, и ако не ја изберете вакцината, ја избирате инфекцијата”, рече Кон.
Запрашан за тоа дали вакцината која се базира на мртвиот вирус на короната може да го зарази лицето кое го примило, Кон вели дека е невозможно и дека вирусот не може да заживее ако е уништен.
“Тоа е приказна како некој да оживее мртов човек”, вели епидемиологот Кон.
Говорејќи за вакцинацијата на бремени жени, Кон вели дека некои лекари препорачуваат, но државата не може да донесе одлука бидејќи нема доволно податоци. Тоа укажува дека овие препораки ќе се појават многу брзо, бидејќи тоа е неопходно за дел од невакцинираните, но одлуката мора да се темели на научно утврдени факти.
