Skip to main content
x

8 Apr 2021 - 12:20
redakcija
Статија

Чуварот на еден хотел карантин во Нов Зеланд бил позитивен на тестот за коронавирус, но засега нема докази дека заразата се шири понатаму.

АП пренесува дека здравствените власти објавиле дека лицето живее само и дека имало контакт со друг колега, и дека обајцата сега се во изолација.

Високиот здравствен службеник Ешли Блумфилд изјави дека 24-годишниот чувар не е вакциниран и дека ќе биде повторно тестиран со цел подобро да се утврди природата на неговата зараза, наведува агенцијата.

Нов Зеланд успеа да го запре ширењето на вирусот, така што појавата на некој што не е во карантин со позитивен тест претставува значителна загриженост, а во програмата за имунизација, властите им даваат приоритет на граничарите.

Нов Зеланд, кој има пет милиони жители, досега има пријавено вкупно околу 2.500 случаи на зараза и 26 смртни случаи од последиците на Ковид-19 за време на пандемијата.

makfax.com.mk