Руски православен свештеник од регионот на Урал е поставен во служба на едно запуштено село како казна за „гревот“ кој го направила неговата сопруга. Таа учествувала на натпревар во убавина и тоа за време на пости.
Оксана Зотова, која води салон за убавина во Магнитогорск, била избрана за „Мис сензуалност“ на тој натпревар. Критиките во јавноста почнале кога на социјалните мрежи се раширил интересен детал од нејзината биографија, а тоа е дека е сопруга на свештеник.
Кога информацијата стигнала до верската заедница, Сергеј Зотов бил отпуштен од службата во катедралата во Магнитогорск.
Својата работа ќе ја продолжи во селото Фершампенауз, на оддалеченост од околу 65 километри од Магнитогорск.
Од верската заедница навеле дека е голем грев сопруга на свештеник да се експонира од забава.
„Каков е тој свештник што не може да си ја контролира сопругата“, се дел од коментарите на верските претставници.
извор: Makfax