Познатата актерка Натали Делон ја загуби битката со ракот. Натали имаше 79 години. Тажната вест ја објави нејзиниот син Ентони Делон, кој рекол дека мајка му починала опкружена со семејството и пријателите и дека причина за смртта бил агресивен тумор.
„Мајка ми почина утринава во 11 часот во Париз, опкруќена со семејството и пријателите“, рекол Ентони.
Натали е родена како Френсис Кановас. Прогласувана е за најубава актерка во светот во неколку наврати. Освен по богатата филмска кариера и режијата на филмови, во нејзината биографија остануваат запишани и објавените мемоари.
Била во брак со познатиот актер Ален Делон, и тоа од 1964 до 1969 година, а и по разделбата останале во одлични односи. Имала врски и со Ричард Бартон и Еди Фишер.
Меѓународна слава Стекнала со улогата во познатиот филм „Самурај“.