Полската МMA ѕвезда Полијана Вијана доживела непријатност откако била нападната од силеџија на улица. Сепак, тој не бил ни свесен дека цели кон девојка која има скор од 10 победи и само еден пораз во октагонот.
- Му кажав колку му е часот, тој одби да замине ... И тогаш тој почна да зборува за тоа како имал пиштол со себе, да му го дадам телефонот. Почна да ми кажува да не се спротивставувам затоа што е вооружен - се присети таа.
Работите тогаш почнале да се случуваат брзо.
- Кога ја стави раката врз пиштолот, сфатив дека е премногу мек и помислив дека е лажен. Сфатив дека, дури и да беше реално, тој немаше време да го извади затоа што беше премногу блиску до мене - опиша таа
Тој не бил но свесен кого го нападнал
- Станав и веднаш го удрив двапати со раката, а потоа и со едната нога. Тој падна, а јас го прегазив и го фатив околу вратот од позади. Потоа го зедов и го спуштив за да можеме да седиме таму каде што бевме претходно и му реков: „Па, да почекаме сега полиција“.
Тој се правдаше со зборовите „само прашав колку е часот“, но, Полијана Виана тврди тотално поинаку:
- Па, да, секако ... Тој само го велеше тоа затоа што виде колку сум лута. Всушност, после тоа бев сосема во ред. Мислам дека беше исплашен. Дури и кога споменав дека во тој момент ќе повикам полиција, тој рече „Повикај“. И го рече тоа затоа што се плашеше дека ќе го тепам уште повеќе.
