Заев: Ќе требаше ДА ИЗМИСЛИМЕ ЗАЕДНИЧКА ИСТОРИЈА со Бугарија ако ја немаше

17.11.2020
Vesnik.com
Заев: Ќе требаше ДА ИЗМИСЛИМЕ ЗАЕДНИЧКА ИСТОРИЈА со Бугарија ако ја немаше

На вечерашното гостување во „Клик Плус“ на ТВ21 премиерот Зоран Заев истакна дека имаме заедничка историја со Бугарија, но и да сме немале заедничка историја, требало да ја измислиме.

Заев иако рече дека ставовите на Бугарија биле спротивни на Декларацијата за човекови права, рече дека разговорите се за историјата.

- Од заедничката историја произлегува и македонскиот јазик и бугарскиот јазик и да ја немало таа заедничка историја ќе требало да ја измислиме, вели Заев.

Тој повторно потврди дека Гоце Делчев бил заедничка историска личност со бугарскиот народ затоа што таму имало институции именувани по неговото име, како и тоа дека не е против Бугарија да си користи скратеното име на државата за билатерална употреба.

-Спремни сме да усвоиме Декларација која ќе биде правнообврзувачка за имплементирање на се од договорот со Бугарија, појасни Заев.

© vesnik.com, правата за текстот се на редакцијата