Никој не може да спречи земја членка на Европската Унијата да покренува свои прашања во пристапниот процес, рече портпаролот на грчката Влада Стелиос Пецас како коментар на условите кои Бугарија ги поставува кон Македонија на нејзиниот евроинтеграциски процес.

И ние ќе гледаме, во интегративниот процес, да гарантираме дека се задоволени грчките интереси, нагласи грчкиот портпарол.

- Ќе продолжиме да ја поддржуваме европската перспектива на регионот, но никој не може да спречи земја-членка на Европската унијата да покренува свои прашања во пристапниот процес – рече портпаролот на грчката Влада Стелиос Пецас на денешниот редовен брифинг со новинарите во Атина на прашањето за ставот на Грција за бугарските позиции во однос на патот на нашата земја кон ЕУ.

Πецас, сепак изрази надеж дека на крајот ќе се отвори вратата за европска перспектива за земјите од регионот.

- Ние традиционално сме за зајакнување на врските на земјите од целиот регион и секако ја имаме поддржано европската перспектива на земјите од Западен Балкан. И ќе продолжиме да го правиме тоа. Оттука, како што знаете и ние во минатото кажавме дека ќе одиме на отворање и затворање на преговарачките поглавја согласно и со нашите интереси. Ќе гледаме, во интегративниот процес да гарантираме дека се задоволени грчките интереси. Во овие рамки, никој не може да спречи никоја друга држава членка да покренува свои прашања во процесот. Се надеваме дека на крајот од патот навистина ќе се отвори вратата за европска перспектива и на овие земји – рече Пецас како одговор на прашањето на дописничката на МИА.

Најчитани вести