ДРАСТИЧНО ПАДНА УВОЗОТ НА ПОЛОВНИ ВОЗИЛА, дали само поради данокот?

30.10.2020
vesnik-fb-blue
vesnik-twitter-blue
ДРАСТИЧНО ПАДНА УВОЗОТ НА ПОЛОВНИ ВОЗИЛА, дали само поради данокот?

Согласно последните податоци од Царинската управа, увозот на употребувани моторни возила во државата во првите девет месеци е значително намален. 

Ако лани во овој период се увезени над 26.000 илјади половни патнички возила, во периодот на оваа година се увезени околу 11.000 возила, што претставува намалување од 42 отсто. 

„Падот на увозот на половни возила во најголем дел е резултат од воведувањето на механизмите во новиот данок на моторни возила, чија цел беше спречување и демотивирање на граѓаните за купување на половни возила со високи емисии на СО2, што веќе се покажува и во пракса. Ова значи помал влез и користење на возила кои драстично го загадуваа воздухот во земјава“, велат од Царинската управа.

Увозот на нови патнички возила е намален за 18 отсто. Односно, лани во првите 9 месеци биле увезени над 6.300 нови возила, а оваа година се увезени околу 3.800 возила.

„И покрај намалениот број на увезени возила, приходите остварени со примената на новиот Данок на моторни возила кој ја замени акцизата, бележи позитивна разлика во приходот за над 280 милиони денари или 4,5 милиони евра повеќе во однос на лани истиот период, што претставува пораст од над 50 отсто“, објаснуваат од Царината.

© vesnik.com, правата за текстот се на редакцијата