83-годишна баба деновиве главна тема по британските медиуми.
Тоа е така бидејќи старата жена не дозволила крадец да и ја ограби продавницата. Џун Тарнер (83) го удирала со тврди предмети крадецот кога тој побарал од нејзе да му ги даде парите од прометот.
Старата жена веќе 45 години е сопственик на продавницата и во моментот кога младиот човек влегол, таа била позади шалтерот. Безбедносните камери го снимија целиот момент кога Џун му се спротивстави на младиот човек, па дури и го удри со патерицата. По реакцијата на Џун, младиот човек брзо ја напушти продавницата, без да земе ниту една фунта со себе.
За својата храброст, Џун Тарнер ја добила и наградата „Single Act of Bravery“, награда што се доделува во Британија на луѓе кои вршат храбри дела.