Државниот секретар во Министерството за надворешни работи, Виктор Димовски, учествуваше на 106-та сесија на Постојаниот Совет на меѓународната организација на Франкофонијата која се одржа на 26 март 2019 година во Париз.

Во своето обраќање државниот секретар Димовски информираше активностите за затворање на долгогодишните отворени прашања со соседните земји, кои заедно со реформските активности на внатрешен план го отворија патот на нашата земја кон европските и евроатланските интеграции. Во овој контекст изрази очекување подршка од земјите партнери во оваа организација, кои се воедно членки на ЕУ и НАТО, за што поскора ратификација на пристапниот протокол за членство во Алијансата и отпочнување на пристапните преговори за членство во ЕУ.

Димовски ја реафирмираше определбата на нашата земја како полноправна членка на Меѓународната организација на франкофонијата да даде целосен придонес за надминување на економските и политички предизвици на денешницата. Притоа, искажа подршка на тековните активности на оваа организација на планот на превенција и надминување на кризи, демократска транзиција и консолидација на мирот.

Димовски, воедно информираше за за тековните активности со кои нашата земја е вклучена во Националната Франкофонска Иницијатива 2019-2022 која ќе овозможи продлабочување на познавањето на францускиот јазик на стручните кадри во јавната администрација, како и за предлогот за организирање на регионален собир за зајакнување статусот на жените франкофони од централна и источна Европа во текот на оваа година во Скопје.

извор: Makfax

2

loading...
loading...

Најчитани вести