Двајца прилепчани од стан во Скопје украле предмети во вредност од 560.000 денари - ЕДНИОТ УАПСЕН

16.09.2020
vesnik-fb-blue
vesnik-twitter-blue
Двајца прилепчани од стан во Скопје украле предмети во вредност од 560.000 денари - ЕДНИОТ УАПСЕН

Единицата за внатрешни работи-Одделение за криминалистички работи Карпош при СВР Скопје поднесе кривична пријава против Д.К.(35) и М.Р.(25), двајцата од Прилеп, поради постоење основи на сомнение дека сториле кривично дело „тешка кражба“, предвидено и казниво согласно член 236 од Кривичниот Законик, при што се стекнале со противправна имотна корист во износ од околу 560.000 денари.

Пријавените, на 02.09.2020 околу 13.30 часот во стан на ул.„Манапо“ во Скопје со употреба на подесен клуч „калауз“ ја отклучиле бравата од влезната блиндор врата, влегле внатре и одзеле рачни часовници, парфеми и други предмети, информираат од МВР.

Од увидна екипа од СВР Скопје на местото на настанот извршен бил увид и потоа се преземени мерки и активности за расчистување на случајот. На 13.09.2020 првопријавениот бил лишен од слобода и спроведен во Полициската станица Карпош.

© vesnik.com, правата за текстот се на редакцијата