Француските обвинители отворија нова истрага против рускиот сенатор Керимов

20.03.2019
vesnik-fb-blue
vesnik-twitter-blue
Француските обвинители отворија нова истрага против рускиот сенатор Керимов

Обвинителите во францускиот град Ница отворија нова истрага против рускиот бизнисмен и сенатор Сулејман Керимов по обвиненијата за заговор во големо даночна затајување, изјави за ТАСС обвинителот од Ница Жан-Мишел Претр.

Обвинителот истакна дека сенаторот Керимов, кој во моментов е во Франција, платил кауција од 20 милиони евра. Датумот на следното судско рочиште не е објавен.

Претходно беше објавено дека истрагата против Керимов била отворена по барање на француското Министерство за економија и финансии под сомнение дека затајувал данок пријавувајќи лажна вредност на купен имот.

Властите, кои ги чешлаа договорите за купување на имотот во Кап д’Антиб во Франција, веруваат дека пријавената цена на вилите и палатите била значително намалена за Керимов да не плати голем данок.

Керимов ги негираше тврдењата дека тој го поседува тој имот, тврдејќи дека сопственик е швајцарски бизнисмен Александар Студхалтер, кого властите, исто така, го сомничат за даночно затајување.

Сулејман Керимов, член на горниот парламентарен дом на Советот на Руската Федерација, беше уапсен на аеродромот во Ница до 21 ноември 2017 година. Веднаш по неговото притворање, Москва го информираше Париз дека тој како сенатор има дипломатски имунитет. Но француското Министерство за надворешни работи соопшти дека дипломатскиот имунитет на Керимов е применлив само за неговите службени должности.

Следниот ден, Керимов бил обвинет за перење пари и даночно затајување до 750 милиони евра. Кон крајот на јуни 2018 година, судот во Екс-ан-Прованс ги отфрли сите обвиненија против рускиот сенатор.

извор: Makfax

© vesnik.com, правата за текстот се на редакцијата