Миленикот на домашната публика, фолк пејачот Јордан Митев вчера во родниот Радовиш го заврши снимањето на видеото за спотот на неговата последна објавена песна „Наздрави за љубов, наздрави за среќа“. Во кадрите од видеото кое треба да отсликува кафеанска атмосфера, а кое фолкерот го работеше со Арт продукција, освен Јордан се појавуваат и голем број статисти.
Според најавите промоцијата на видеото би требало да се случи наскоро, а интересно е дека Јордан најавува уште еден видео запис кој, дознаваме, би требало да се снима надвор од нашите граници.