Шибеник: Маж преживеал скок од мост висок 40 метри

14.03.2019
vesnik-fb-blue
vesnik-twitter-blue
Шибеник: Маж преживеал скок од мост висок 40 метри

Непознат маж од мост во хрватскиот град Шибеник скокнал директно в море, а и покрај фактот што мостот е висок дури 40 метри, тој преживеал.

„Човекот скокнал од мостот во морето, а го забележале едрилици кои минувале од таму. Човекот е жив и префрлен во болница“, рекла портпаролката на полициската управа од Шибеник-Книн, Марица Косор.

Сите околности за скокот од мостот на засега непознатиот човек полицијата допрва ќе ги испитува, накратко изјавила Косор, а пренесува „24сата.хр“.

Овој висок мост во Шибеник го поврзува Шибенскиот залив на Јадранската магистрала, во близина на утоката на реката Крка.

извор: Makfax

© vesnik.com, правата за текстот се на редакцијата