И дефинитивно Рафаел Надал нема да настапи на УС Опен, еден од четирите најголеми турнири во светот на тенисот. Шпанецот беше искрен и ги откри деталите зошто донел ваква одлука, да го прескокне турнирот во Њујорк кој ќе се одржи од 31 август до 13 септември.
“Здравствената ситуација беше првата и основната причина за оваа моја одлука да не настапам на УС Опен. По се изгледа дека ситуација во моментов е далеку од тоа да биде под контрола. Во консултација со мојот тим одлучивме да не патувам во Њујорк. Исто така преминот од бетон на земја за така кусо време е опасен по моето здравје и за мојата кариера во иднина“ изјави Надал.
