Македонија ги забрани летовите на „боинг 737-макс 8“ и „боинг 737-макс 9“ поради истрагата која се води во врска со овие типови на авиони, објави „Независен“.
Од денеска е на сила забраната за слетување и полетување на воздухопловите ‘боинг 737-макс 8’ и ‘боинг 737-макс 9’, како и надлетување над воздушниот простор над државата. Забраната следи како мерка на претпазливост.
Откако се случи голема трагедија со летот ЕТ302 на компанијата „Етиопијан ерлајнс“, кога авион од типот „боинг 737 макс 8“ се урна при што загинаа сите патници и членови на екипажот, Европската агенција за безбедност во воздухопловството одлучи да ги суспендира сите летови на овој модел на авиони.
