Организаторите на традиционалниот струшки ракометен турнир, ги одредија групите за годинешната прва фаза од турнирот кој ќе се одржи од 12 до 16 август.
Во групата „А“ се најдоа: Вардар, Охрид, Бутел Скопје, Е. Пелистер 2, додека во групата „Б“ се сместени: Е. Пелистер, Металург, Прилеп и Струга.
Најинтересниот меч од првата фаза на турнирот ќе се игра во групата „Б“, а прв пат по подолга пауза ќе се сретнат Е. Пелистер и Металург.
Организаторот во меѓувреме се труди да обезбеди дозвола за лимитиран број на гледачи на трибините.
