Претседателот на Србија и лидер на партијата СНС, Александар Вучиќ, објави ново предизборно видео на својот профил на Инстаграм.
Во него Вучиќ нагласува – „Ќе продолжиме да градиме за нашите деца“.
Во видеото, тој разговара со мало девојче.
„Што би сакала да направиш сега?“, прашува Вушиќ, на што таа одговара „пат“, додека тие си играат со коцки.
Вучиќ објаснува дека луѓето прават патишта за да имаат поголеми шанси и повеќе можности за работа.
Девојчето посочува уште една важна предност на патот: „Така може да се оди кај баба и дедо“.
Девојчето посакува и повеќе училишта и градинки, а Вучиќ вели дека ќе го направи тоа и додава дека има идеја како да го врати нејзиниот татко и сите други татковци кои работат во странство, назад во Србија, на што девојчето вели: „Тоа го сакам најмногу на светот“.
извор: Makfax