НОВИ ПРАВИЛА: Нема веќе залихи од фри-шоп

Од 1 јуни стартуваше сезоната на годишни одмори, а македонските граѓани секоја година се приспособуваат на правилата за патување во странство. Но најголемиот број се запознаени со практичните правила што се бараат на граничните премини и царината, а тоа се однесува на тоа што можат да изнесат од земјава, како и што можат да внесат и количината.

Една од актуелните страници каде што можат да добијат детални податоци е и сајтот на Царинската управа на РМ, каде што точно може да се види која акцизна стока кога се увезува во земјава и дали подлежи на плаќање увозни давачки. Така ќе можете да имате самоконтрола на вашата торба кога пазарувате во граничните продавници и фри-шоповите.

– Македонските и странските државјани при премин на границата, односно влез во Македонија, се ослободени од плаќање на увозни давачки како што е царина, ДДВ и акциза за стоката што ја купиле за лична употреба во текот на престојот во странската држава, а која истовремено е и личен багаж. Конкретно тоа може да бидат преработки од тутун и тоа 200 цигари или 100 цигарилоси (цигари со максимална тежина од три грама за парче) или 50 пури, или 250 грама тутун за пушење. Во дозволениот пренос на граница може да се пренесе литар жестоки алкохолни пијалаци кои се со процент на алкохол над 22% и алкохолни пијалаци со процент на алкохол што не надминува 22% како што е две 2 литри вино – стои на официјалниот сајт на Царинската управа на РМ.

Поединечно секој може да внесе и по едно шишенце парфем од 50 мл или 250 мл тоалетна вода. Од ЦУ предупредуваат дека ослободувањата за преработки од тутун и алкохол и алкохолни пијалаци не важат за патници помлади од 18 години.

Поврзани

Најнови вести

Коментари